Vel fylgst með innflutningi
Tugum milljónum alifugla hefur verið lógað og fargað í Evrópu undanfarna mánuði til að reyna að hefta útbreiðslu fuglaflensu en þar sem hún berst meðal alifugla og milli landa með farfuglum hefur það reynst erfitt. Fjöldi lifandi unga af varphænum eru fluttir til landsins árlega.
Hrund Hólm, deildarstjóri inn- og útflutningsdeildar MAST, segir að verklag stofnunarinnar í tengslum við innflutning frjóeggja og dagsgamalla unga sé með þeim hætti að nokkrum dögum fyrir væntanlegan innflutning sé tekin staða á fuglaflensu í útflutningslandinu.
Áhættumat erlendis
„Við skoðum meðal annars hvort það séu í gildi einhverjar hömlur sem tengjast fuglaflensu á upprunabúi eggjanna/unganna og er áhættan metin út frá því. Þannig að ef upprunabúin eru innan skilgreindra svæða þar sem í gildi eru höft eða hömlur er innflutningur ekki leyfður. Auk þess er skoðað hver útbreiðsla og þróun smitsins sé í landinu og tekið mið af áhættumati þarlendra dýraheilbrigðisyfirvalda.“
Eftirlit innanlands
Við komuna til landsins tekur við einangrun í að minnsta kosti 6 vikur undir eftirliti Matvælastofnunar. Hrund segir að í ljósi aðstæðna á stöðu fuglaflensu í Evrópu sé verið að skoða hvort auka eigi það eftirlit og taka sýni úr dagsgömlum ungum en til þessa hefur það verið gert síðar á meðan einangrun stendur.
Góð samvinna við Mast
Jón Magnús Jónsson, framkvæmdastjóri Reykjabúsins, segir að til þessa hafi fuglaflensa ekki haft áhrif á innflutning á lifandi ungum. „Við eru í góðu sambandi við Mast og þeir fylgjast vel með þróuninni erlendis og svo eru við með einangrunarstöð hér á landi þar sem tekin eru sýni úr ungunum áður en þeir fara í framleiðslu.
Jón Magnús Jónsson, framkvæmdastjóri Reykjabúsins.
